“Hulle sê die waarheid sal jou vrymaak … maar in die Dumont-familie is die waarheid ’n vonnis.”

In die koue skaduwee van ‘n Franse plattelandse kerk, gee Marguerite Dumont haar ja-woord. Maar dit is nie ‘n troue van liefde nie, dit is ‘n transaksie met die duiwel self. Terwyl sy na haar nuwe man kyk, sien sy die een waarheid wat sy dertig jaar lank begrawe het: Haar dogters is nie wie hulle dink hulle is nie.

Intussen, by Mon Trésor
‘n Vreemdeling daag op. Hy noem homself Julian. Hy dra die Dumont-naam soos ‘n wapen en eis sy plek aan die tafel op. Stefan is gereed vir oorlog, sy donker kant begin die oorhand kry terwyl hy veg om die indringer te ontmasker.

Maar terwyl Stefan veg teen ‘n vyand wat hy kan sien, is dit Lea wat die gevaar in die skaduwees gewaar. Sy vertrou nie Julian se glimlag nie, en sy vertrou nog minder die manier hoe hy presies weet waar die familie se geraamtes begrawe lê.

Is Julian ‘n Bedrieër, Of Is Hy Die Enigste Een Wat Die Regte Bloedlyn Dra?

Sluit aan by ons weeklikse episodes en vind uit hoe die mure van Mon Trésor begin kraak onder die gewig van dertig jaar se leuens.

Teken In

👉 Teken nou in teen R60 per maand om elke Maandag die nuutste episode direk in jou inkassie te kry. Kry die eerste twee episodes gratis. Koop die trilogie teen R120 (E-Pub of PDF) en kry een maand gratis.

https://buymeacoffee.com/thisintoday

Lees Meer Hier:

Die Franse Geheim | Die Hart Se Geheim | Erfenis Van Geheime

Die Franse Geheim

Mila Dumont was bestem vir die flikkerligte van die verhoog, maar die noodlot het ander planne gehad.

Wanneer haar pa, Jean-Pierre, ernstig siek word, moet sy haar dramastudies opsê en terugkeer na die stowwerige wingerde van hul familieplaas in die Boland. V

asgevang in ‘n lewe vanpligsbesef, voel Mila soos ‘n aktrise in die verkeerde rol. Sy soek desperaat na haar eie identiteit, ‘n soeke wat bemoeilik word deur die swye van haar paendie geheimsinnige afwesigheid van haar ma, Marguérite.

Op die plaas weet almal iets, maar niemand praat nie. In die stilte van die wynkelder ontdek Mila egter ‘n nuwe passie. Sy vind dat sy nie hoef te ontsnap in karakters nie; sy kan haar siel in haar wynstort. Haar Chardonnay,L’Inconnue, word‘n wêreldwye fenomeen en kroon haar as die koningin van Suid-Afrikaanse wynmakers.

Maar die grootste drama wag in Parys. Terwyl sy haar sukses in die Franse hoofstad vier, loop sy trompop vas in haar ewebeeld: Lea. Die ontmoeting ontsluit ‘n dekades-oue geheim van verbode liefde, wraak en ‘n familie wat deur die helfte geskeur is. Mila besef dat sy die“onbekende” waarna sy haar hele lewe lank gesoek het,gevind het.

Tussen die gesofistikeerde strate van Parys en die warm grond van die Kaap, moet twee susters leer om die bitter smaak van die verlede te versoen met die belofte van ‘n nuwe oes.

Uit Die Franse Geheim

Die lug bo die Atlantiese Oseaan was ’n eindelose, koue swartheid, maar binne-in die kajuit van die Boeing 747 het die lug dik en benoud gevoel.

Mila het na die ritmiese flikkering van die vlerk se ligte gekyk, maar al wat sy kon hoor, was die woorde van Dokter Greeff wat soos ’n eggo deur haar kop gemaal het.

Onder hulle het die vasteland van Afrika in die donker gewag. En iewers in die skaduwees van die Simonsberg het die antwoorde gelê wat hulle óf sou red, óf finaal sou vernietig.

Uit Die Hart se Geheim

“My verlede was in Suid-Afrika begrawe, maar die waarheid is soos ’n wingerdstok; dit groei in die donker, dit kronkel en dit vind altyd ’n manier om na die lig te breek. Dit is tyd.

Die tyd vir die volle waarheid het gekom, voor die skaduwees ons almal insluk.”

Uit Erfenis van Geheime

https://writerandjournalistannette.substack.com/p/die-dumont-geheime-is-terug?r=43r5gc