Kan twee mense wat deur dieselfde verraad gebreek is, mekaar uiteindelik genees?
Dit is die vraag aan die hart van Elke donker wolk, ’n splinternuwe mini-dramareeks wat Dinsdag 17 November om 20:00 op kykNET (DStv-kanaal 144) begin. Die reeks bestaan uit drie episodes en word vervaardig deur Homebrew Films.
Lees ook: Kokkedoor Klassiek vier Suid-Afrika se Koserfenis Met 20 Nuwe Kokke
Table of Contents
Elke Donker Wolk – Verlies, Verraad en Vergifnis
Elke donker wolk vertel die verhaal van Johan Joubert, wie se vrou onlangs oorlede is, en André Visagie, wat ook die verlies van ’n geliefde verwerk. Wanneer hul paaie onverwags kruis by ’n ondersteuningsgroep vir mense wat rou, ontwikkel ’n ongewone, soms ongemaklike, maar uiteindelik genesende vriendskap wat albei mans dwing om verlies, verraad, vergifnis en die verwikkeldheid van liefde in die oë te kyk.
Die ander groeplede dra ook swaar aan verdriet oor mense wat hulle ontval het.
Elke Donker Wolk – Kyk die Lokprent hier
Agter die Skerms
Die minireeks word vervaardig deur Homebrew Films. Die skrywer, Marcel Spaumer, verduidelik dat hulle met die reeks ‘n tema wou aanraak wat selde op Afrikaanse televisie gesien word: die normalisering van mans in terapie en hoe mans emosies verwerk. Volgens die regisseur, Johannes Pieter Nel, wys die storie dat daar selfs in die donkerste omstandighede altyd ‘n silwer randjie (of hoop) te vinde is.
Die Rolverdeling en Storielyn
Die groep word gelei deur ‘n pastoor (Anton Treurnich) wat mense al vir 20 jaar deur die rouproses help. Die ander lede dra elkeen hul eie swaar laste.
Jarrid (Clint Aplon) en Celeste (Veronique Jephtas) het onlangs hul dogtertjie verloor. Ritz (Amor Tredoux) het oor die jare haar man en drie dogters aan die dood afgestaan. Die pastoor (Anton Treurnich), wat die groep ná sy ouers se dood gestig het, help al 20 jaar lank mense deur die rouproses, maar hy het nog nooit ’n geval soos Johan en André gehad nie.
Die reeks ondersoek universele temas soos rou, vaderskap, vriendskap en tweede kanse. Met ’n tong-in-die-kies benadering balanseer Elke donker wolk humor en hartseer op ’n manier wat eerlik, herkenbaar en deernisvol is.
“Hoewel Elke donker wolk verlies en rou aanspreek, is dit uiteindelik ’n storie oor hoop, vriendskap en veerkragtigheid. Dit wys dat daar selfs in die moeilikste omstandighede steeds ’n silwer randjie te vind is,” sê die regisseur, Johannes Pieter Nel.
Die skrywer van Elke donker wolk, Marcel Spaumer, voeg by: “Met Elke donker wolk wou ons ’n storie vertel wat selde op Afrikaanse televisie gesien word – een wat manlike vriendskappe, rou en die toenemende normalisering van mans in terapie ondersoek.”
Die rolverdeling word aangevoer deur die aanbieder en akteur André Weideman (Beter as gister, Magda Louw) as Johan Joubert, en Evan Hengst (Wyfie, Suidooster) as André Visagie. Kykers sal Hengst ook onthou as Simon in die onlangse minireeks Sy, die meeue en die Heilige Gees.
Tanja Franzsen (Diepe waters, Die nuusmakers) vertolk die rol van Jolani Joubert, met Janru Steenkamp (Niggies) as haar seun, Thomas. Ronel Geldenhuys (Wyfie, Projek Dina) is te sien as Janet.
Elke donker wolk gee ’n vars blik op verlies en wys hoe die mees onwaarskynlike mense soms die grootste bron van troos en begrip kan word.
Bron en Verwysings
Elke donker wolk begin Dinsdag 17 November om 20:00 op kykNET (DStv-kanaal 144). Dié minireeks sal ook op DStv Stream en Catch Up beskikbaar wees.
