Jagter se 12 Deelnemers Bekend – Nuwe kykNET Realiteitsreeks

Share This Article:

Vanaf Woensdag 9 Desember betree 12 deelnemers uit verskillende dele van Suid-Afrika die bosveld in kykNET se splinternuwe realiteitsreeks Jagter, waar hul vaardigheid, karakter, oordeel en waardes deur ’n reeks taai uitdagings getoets sal word.

Lees ook: Jagter Toets Vaardigheid, Karakter en Etiek – Nuwe kykNET-realiteitsreeks

Maar Jagter gaan oor veel meer as skietvernuf. Die deelnemers moet ook hul veldkennis, spoorsny- en oorlewingsvaardighede en vermoë om onder druk besluite te neem en te presteer bewys.

Onder die 12 uiteenlopende deelnemers is ervare boogjagters, boere, entrepreneurs, sportlui en selfs ’n sakeman met ’n groot gevolg op sosiale media. Wat hulle almal deel, is ’n passie vir die veld, die natuur en verantwoordelike jag.

Jagter 12 Deelnemers 1
Jagter 12 Deelnemers

Ontmoet die Deelnemers

  1. Adon Sinclair

36-jarige elektrisiën van Richardsbaai, KwaZulu-Natal. Dié avontuurlustige boogjagter droom daarvan om eendag ’n wildslodge te bestuur en glo dat respek vir die dier deel van elke jagtog moet wees.

  1. Dillon Adonis

33-jarige boukontrakteur van Polokwane, Limpopo. Met boks en gemengde gevegskuns onder sy stokperdjies bring hy veggees en ’n sterk wil om te wen na die kompetisie.

  1. Elise Wiese

42-jarige huisvrou en boer van Lady Grey in die Oos-Kaap. Sy jag al sedert haar vyftiende lewensjaar en bring jare se ervaring en ’n diep respek vir die natuur na die reeks.

  1. Enrico Daniels

51-jarige stoorman van die Paarl. Hoewel hy eers op 44 begin jag het, het die passie hom vinnig beetgekry en droom hy steeds van die perfekte koedoejag.

  1. Francois Liebenberg

39-jarige entrepreneur van Stellenbosch. ’n Uitgesproke optimis wat floreer onder druk en nie terugdeins vir ’n uitdaging nie. 

  1. Michelle Abreu

41-jarige administratiewe beampte van Pretoria. Sy het haar eerste vlakvark met ’n boog gejag en is bereid om alles in te sit om haar doelwitte te bereik.

  1. Michelle van den Heever

36-jarige plaasadministrateur van Rustenburg. Jag loop diep in haar familie se geskiedenis en haar passie vir die veld is van kleins af deel van haar lewe.

  1. Petrus Vermaak

64-jarige boer van buite Gqeberha. Met Proteakleure in kleiduifskiet en dekades se ervaring is hy een van die mees gesoute deelnemers aan die kompetisie.

  1. PC Beneke

36-jarige sportbestuurder by ’n skool in die Paarl. Sy sport-agtergrond en liefde vir spoorsny maak hom ’n gedugte teenstander.

  1. Shawn van Zyl

43-jarige produkbestuurder van Pretoria. Met sy humorsin en passie vir wildsvleisgeregte bring hy hope energie kamp én veld toe.

  1. Devon Hofmeyr

32-jarige besigheidseienaar en bekende sosialemediapersoonlikheid van Roodepoort. Hy is uitgesproke, avontuurlustig, sterk mededingend en gereed om sy stempel af te druk.

  1. Viv Aspeling

38-jarige sakeman van Pretoria wat in mynbou en handel werksaam is. Hy kombineer ’n skerp humorsin met ’n passie vir jag en gemeenskapsbetrokkenheid.

Bron en Verwysings

Jagter begin op Woensdag 9 Desember om 20:00 op kykNET (DStv-kanaal 144). Die reeks sal ook op DStv Stream en Catch Up beskikbaar wees.

kykNET

https://inboundsa.com/jagter-contestants-kyknet-reality-series/

Tags :

Annette Havenga

womeninmedia@happeningnews.co.za

Journalist Writer Radio Presenter

Leave a Reply

Your email address will not be published. Required fields are marked *

Stay Informed

Subscribe for breaking news, trusted South African reporting, exclusive interviews and our weekly news roundup.

No spam. Unsubscribe anytime.

    Categories

    About HappeningNews

    HappeningNews is an independent South African digital news platform delivering breaking news, insightful features, lifestyle stories, and inspiring voices.

    Home to Women in Media and our exclusive editorial columns, we keep readers informed with accurate and engaging content from South Africa and around the world.

    © 2026 HappeningNews. All Rights Reserved.

    Independent South African Digital News Platform